تفسير حلم

السلام عليكم مولانا .. مولانا بغيتك تفسر لي حلم حلمته اليوم بعد صلاة الفجر وبعد قراءتي للادعية وختمة سورة يس لتسهيل اموري وقضاء حوائجي الحلم: حلمت بعد صلاة الفجر باخت طليقي وطليقي اول اخت طليقي تجت عندي للبيت تسالني عن سبب انفصالي عن اخوها فقلت لها كل شي وليش طلبت الطلاق وقالت لي انها مو مرتاحة مع زوجة اخوها الحالية وراحت وبعدين تغير الحلم وكنت ماشية باتجاه بيتنا وما اشوف الا سيارة حاط فيها صوت المسجل عالي وكان حاط لطميات ولما انتبهت على اللي في السيارة شفته طليقي كملت مشيي للبيت وبعدين شفته رجع ولحقني للبيت واما وصلت عند باب الباب نزل من السيارة وكان حزين وصار يترجاني ارجع له وانه ندمان وان كل اللي قلت له عن زوجته اللي تزوجها طلع صحيح بعدين دخلت البيت وقلت له ما عندي كلام اقوله لك روح لزوجتك انت فضلتها علي وانا ما راح ارجع لك وصار يترجاني ويقولي سامحيني واشوف الدمعة بعينه بس انا سكرت الباب وما رديت عليه . فهل هذا الحلم معناه ان فعلا طليقي ندمان ويريد يرجع لي ؟

الصلاة والسلام على سيدنا محمد واله الاطهار
هذه يا ابنتي رؤية صادقة ان شاء الله
انعم الله عليك بمعرفة حقيقة الامر
وان شاء الله خير

مشكووور مولانا وجزاك الله خير ... بس مولانا انا فعلا ما اريد ارجع لطليقي حتى لو حاول يرجعني وقالي انه ندمان بعد كل اللي عشته وعرفته لان عمري ضاع معاه واسأل الله يعوضني بزوج مؤمن صالح يعرف قدري وقيمتي وما يفرط فيني.

السلام عليكم
نعم تسكير الباب معناه عدم العودة
والله اعلم
رددي ( ربي لا تذرني فردا وانت خير الوارثين ) وارزقني الزوج الصالح وووو
عقب كل صلاة

السلام عليكم مولانا ان شالله راح اخذ بتوجيهاتكم ومشكووور وجزاكم الله خير .

بارك الله فيكم